Verðlækkun á nýjum bílum hjá Brimborg!
Brimborg hefur tilkynnt lækkað verð á nýjum bílum um allt að 6,6% sökum styrkingar á gengi krónunnar undanfarið og trúar félagsins á stöðugra og sterkara gengi næstu misserin. Hagstæðara gengi krónu hefur jákvæð áhrif á bílverð og lækkun á bílverði hefur jákvæð áhrif til lækkunar verðbólgu en átaks er þörf til að berjast gegn verðbólgunni, segir Egill Jóhannsson, forstjóri Brimborgar.
Verðlækkun rafbíla mikilvæg fyrir orkuskiptin
Lækkun á bílverði er sérstaklega mikilvæg aðgerð þegar kemur að mikilvægi rafbíla í orkuskiptum í vegasamgöngum. Ísland hefur sett sér metnaðarfull markmið um samdrátt í losun gróðurhúsalofttegunda með því að draga úr brennslu jarðefnaeldsneytis og þar leika rafbílar lykilhlutverk.
Hlutdeild rafmagnsbíla hjá Brimborg yfir 49%
Brimborg hefur mjög metnaðarfull markmið um hlutdeild rafmagnsbíla í heildarsölu fyrirtækisins. Það sem af er ári er rafbílahlutdeild hjá Brimborg af fólksbílasölu 48% og af sendibílasölu 55% og í heild 49%. Brimborg hefur að auki hafið innflutning rafknúinna vöruflutningabíla og hafa fyrstu tveir rafmagns vörubílarnir yfir 12 tonn nú verið skráðir hér á landi í fyrsta sinn í sögunni.
Brimborg er umboðsaðili á Íslandi fyrir fólks- og sendibíla frá Ford, Volvo, Polestar, Mazda, Citroën, Peugeot og Opel
og vörubíla frá Volvo Trucks.
Nýir verðlistar hafa verið gefnir út á vefsvæðum Brimborgar og verð uppfært í Vefsýningarsal nýrra bíla. Þar er hægt að skoða verð nýrra bíla á lager og í pöntun, senda fyrirspurn og panta bíl.