Algengar spurningar og svör
Algengar spurningar og svör
Hvort sem er á opnunartíma eða utan hans, þá getur þú fundið svör við spurningum þínum hér á vefnum eða með því að spyrja Góa, snjallsvara Brimborgar. Smelltu á bóluna neðst til hægri til að hefja snjallspjall við Góa. Hér að neðan finnur þú einnig svör við algengum spurningum.
Hvernig panta ég varahluti og aukahluti eða fæ upplýsingar?
Smelltu á hnappinn til að panta varahluti eða aukahluti, eða til að fá upplýsingar um varahluti og aukahluti fyrir Volvo, Ford, Polestar, Mazda, Citroën, Peugeot eða Opel.
VARAHLUTIR OG AUKAHLUTIR | PANTA EÐA FYRIRSPURN
Er bíllinn minn að verða tilbúinn á verkstæðinu?
Öll verkstæði Brimborgar senda sms þegar bifreið er tilbúin úr viðgerð.
Hvernig losna ég við viðvörunarljós í mælaborðinu?
Við mælum með því að skoða handbókina, þar eru oft útskýringar. Ef þú þarft hjálp, þá eru hér stuttar leiðbeiningar fyrir algeng ljós:
- Loftþrýstings ljós: Mældu loftþrýsting dekkja, sem hægt er að gera við næstu bensínstöð eða hjá MAX1 Bílavaktinni. Endurstilla má loftþrýstingsljósið í mælaborði samkvæmt handbókinni. Ef þú þarft frekari aðstoð, getur þú bókað tíma hér.
- Ábending um þörf á reglubundinni þjónustu: Ljósið "Service required" eða mynd af skiptilykli bendir til þess að það sé kominn tími fyrir reglubundna þjónustu. Bókaðu tíma hér.
- Rautt olíuljós. Ef þetta ljós logar, stöðvaðu strax á öruggum stað og hafðu samband við Brimborg. Ef þetta gerist utan opnunartíma getur þú haft samband við neyðarþjónustu Brimborgar.
- Skilaboð um að stöðva bílinn. Ef þú færð skilaboð sem segja að stöðva þurfi bílinn, þá er mikilvægt að stoppa strax og hafa samband við Brimborg. Ef þetta gerist utan opnunartíma getur þú haft samband við neyðarþjónustu Brimborgar.
Ef þú þarft neyðarþjónustu, hafðu samband við okkur strax.
Hvenær þarf að skipta um tímareim eða tímakeðju?
Bílar sem eru með sprengihreyfli (brunavélar sem ganga fyrir bensíni, dísilolíu eða metani) eru annaðhvort með tímareim eða tímakeðju. Rafbílar eru hvorki með tímareim né tímakeðju og þurfa því ekki á endurnýjun að halda. Tengiltvinnbílar sem ganga bæði fyrir rafmagni og sprengihreyfli þurfa hins vegar á tímareima- eða tímakeðjuskiptum að halda.
Bílaframleiðendur tiltaka ákveðna endingu á tímareim eða tímakeðju sem er annars vegar eftir aldri talið í árafjölda eða akstri talið í kílómetrum hvort sem fyrr kemur. Þessi ending byggir á því að ferli framleiðanda um þjónustu og t.d. olíuskipti sé fylgt en ending getur verið styttri ef svo er ekki. Uppgefin ending er misjöfn eftir bíltegundum og bílgerðum og þeim vélum sem í þeim eru.
Upplýsingar um endingu tímareima og tímakeðja í bílum frá þeim framleiðendum sem Brimborg er umboðsaðili fyrir og eru með sprengihreyfli (brunavél) má fá með því að hafa samband við Brimborg. Brimborg býður upp á tímareima eða tímareimaskipti á verkstæðum sínum ásamt því að útvega viðeigandi varahluti. Tíma er hægt að panta rafrænt. Viðurkenndir þjónustuaðilar Brimborgar um land allt bjóða upp á sömu þjónustu.
Upplýsingar um endingu tímareima eða tímakeðja í öðrum bíltegundum en þeim sem Brimborg er umboðsaðili fyrir getur Vélaland Bílaverkstæði sem er í eigu Brimborgar aðstoðað með. Vélaland býður upp á tímareima eða tímakeðjuskipti ásamt því að útvega viðeigandi varahluti. Tíma er hægt að panta rafrænt. Viðurkenndir þjónustuaðilar Brimborgar um land allt bjóða upp á sömu þjónustu.
Ef þú veist ekki hvort búið er að skipta um tímareim eða tímakeðju í bíl sem þú átt eða ert að spá í að kaupa þá getur þú haft samband við Brimborg vegna bíltegunda sem Brimborg er umboðsaðili fyrir. Fyrir aðrar tegundir þarf að vera í sambandi við líklegan þjónustuaðila (verkstæði) eða umboðsaðila þess bíls.
Hvenær þarf að skipta um olíu á vél, gírkassa og drifum?
Bílar sem eru með sprengihreyfli (brunavélar sem ganga fyrir bensíni, dísilolíu eða metani) þurfa á olíuskiptum að halda reglulega ásamt því að skoða þarf olíu á gírkassa og drifum reglulega og skipta um þegar við á. Bílaframleiðendur tiltaka ákveðna endingu olíunnar og eins af hvaða gæðum olían þarf að vera til að tryggja endingu vélarinnar, gírkassa og drifa. Tíðni olíuskipta fer eftir aldri talið í mánaðar- eða árafjölda eða akstri talið í kílómetrum hvort sem fyrr kemur. Þessi ending á olíu fer þó líka eftir ytri aðstæðum og aksturslagi en nánar upplýsingar má fá í upplýsingum um viðkomandi bíltegund, bílgerð og vélargerð.
Upplýsingar um tíðni olíuskipta og tegund og gæði olíu í bílum frá þeim framleiðendum sem Brimborg er umboðsaðili fyrir og eru með sprengihreyfli (brunavél) má fá með því að hafa samband við Brimborg. Brimborg býður upp á olíuskipti á verkstæðum sínum ásamt því að útvega viðeigandi varahluti t.d. olíusíur. Tíma er hægt að panta rafrænt. Viðurkenndir þjónustuaðilar Brimborgar um land allt bjóða upp á sömu þjónustu.
Upplýsingar um tíðni olíuskipta og tegund og gæði olíu í öðrum bíltegundum getur Vélaland Bílaverkstæði og MAX1 Bílavaktin sem eru í eigu Brimborgar aðstoðað með og þau verkstæði bjóða upp á olíuskipti ásamt því að útvega viðeigandi varahluti t.d. olíusíur. Tíma er hægt að panta rafrænt.
Ef þú veist ekki hvort búið er að skipta um olíu á réttum tíma eða nota rétta olíu við olíuskipti í bíl sem þú átt eða ert að spá í að kaupa þá getur þú haft samband við Brimborg vegna bíltegunda sem Brimborg er umboðsaðili fyrir og hafa verið í reglulegri þjónustu hjá Brimborg, Vélalandi, MAX1 eða öðrum viðurkenndum þjónustuaðilum. Fyrir aðrar tegundir þarf að vera í sambandi við líklegan þjónustuaðila (verkstæði) eða umboðsaðila þess bíls.
Rafbílar eru ekki með sprengihreyfil (brunavél) og þurfa því ekki olíuskipti. Tengiltvinnbílar sem ganga bæði fyrir rafmagni og sprengihreyfli þurfa hins vegar á olíuskiptum að halda.
Öll verkstæði | Panta hér
Bíllinn minn er bilaður og er stopp. Hvað geri ég?
Ef þú þarft aðstoð strax á opnunartíma hringdu þá í síma 5157000 eða hafðu samband við okkur í gegnum snjallsvarann Góa. Mikilvægar upplýsingar til að hafa til reiðu eru bíltegund, bílnúmer, hvar bíllinn er staðsettur og nafn, símanúmer og netfang. Utan opnunartíma getur þú haft samband í gegnum neyðarþjónustu.
Hvernig stilli ég hámarks hleðslu á rafbíl?
Við hleðslu rafbíla, hvort sem er í AC hleðslu eða í DC hraðhleðslu, er mælt alla jafna með að hlaða að staðaldri eingöngu upp í 80%-90%. Það fer betur með drifrafhlöðu bílsins að setja hleðsluhámark fyrir reglulega notkun. Hins vegar ef leggja á í langferð þá er sjálfsagt og ekkert mál að stilla hámarkshleðslu í 100%. Það er gert í stýrikefi bílsins sem nálgast má í gegnum stóra skjáinn í bílnum. Þessar upplýsingar eiga almennt við um allar tegundir rafbíla.
Hvernig losa ég fastan hleðslukapal eða fast hleðslutengi úr rafbíl?
Þetta gerist mjög sjaldan og er oftast einfalt að leysa. Lestu nákvæmar leiðbeiningar með því að smella á hnappinn.
Hvers vegna er hætt að heyrast í útvarpi eða leiðsögukerfi bílsins?
Það getur komið fyrir að þó skjár bílsins sé með fulla virkni þá heyrist ekki hljóð frá útvarpi eða leiðsögukerfi í hátölurum bílsins. Þetta gerist sjaldan og lausnin er oftast einföld. Í nýjustu gerðum bíla er hægt að framkvæma "soft reset" á stóra skjánum. Þetta er einfalt, þú heldur viðeigandi "soft reset" hnapp niðri í cirka 20-30 sekúndur eða þar til skjárinn hefur slökkt á sér og ræst sig upp aftur.
Það er ágætt að skoða þegar þessu er lokið hvort einhverjar uppfærslur á hugbúnaði bílsins bíði uppfærslu í gegnum netið (e. Over the air update, OTA) ef bíllinn býður upp á OTA möguleika. Bíllinn lætur vita með skilaboðum ef OTA bíður uppfærslu. Ef svo er þá er skynsamlegt að næst þegar bílllinn getur verið stopp í cirka 90 mínútur að setja uppfærsluna af stað í gegnum "Stillingar (e. settings). Einhver munur getur verið á því hvernig þetta er gert eftir því um hvaða bíltegund er að ræða.
Eru rafbílar í meiri hættu við akstur í rigningu (miklu vatnsveðri)?
Rafbílar eru varðir gegn vatni á sama hátt og hefðbundnir eldsneytisbílar og akstur í vatni eða miklu vatnsveðri og eru því ekki í meiri hættu. Hins vegar þarf að fara fram með sömu gát hvort sem um rafbíla eða hefðbundna eldsneytisbíla er að ræða og er þar helst átt við aksturshraða.
Hvað drifrafhlöður rafbíla varðar þá eru þær almennt mjög vel vatnsvarðar en ávallt skal aka með gát í gegnum djúpa polla, ár og önnur vatnsföll á sama hátt og með eldsneytisbíla. Í miklu vatnsveðri, rigningu, getur vatn safnast fyrir í hjólförum á vegi sem getur leitt til þess að bíllinn missi grip.
Brimborg hefur flutt inn og selt þúsundir rafbíla frá árinu 2020 og hefur Brimborg ekki borist neinar tilkynningar um vatnstjón á drifrafhlöðu rafbíla né hafa slík mál komið á borð verkstæða félagsins. Þetta gildir um alla rafbíla frá Ford, Volvo, Polestar, Mazda, Citroën, Peugeot og Opel.
Öryggi rafbíla gegn vatnstjóni
- Rafbílar hjá Brimborg eru prófaðir samkvæmt ströngum alþjóðlegum IP67-stöðlum.
- Drifrafhlaða, rafmótorar og raflagnir þola vatn að ákveðnu marki, svo sem við akstur í grunnt vatn eftir flóð eða mikla rigningu.
- Ef bíll hefur staðið kyrr í vatni er mælt með skoðun hjá viðurkenndum þjónustuaðila áður en hann er tekinn í notkun.
- Ábyrgð á rafbílum er 5-7 ár, og á drifrafhlöðu 8 ár ef sýnt er fram á að bilun stafar af framleiðslugalla.
Leiðbeiningar um akstur í vatni
- Leyfð vaðdýpt er breytileg eftir bílgerðum, en almennt ætti vatn ekki að fara upp fyrir síls bílsins.
- Athugaðu dýpstu punkta áður en ekið er í vatn og forðastu akstur yfir ár ef mögulegt er.
- Keyrðu á gönguhraða og forðastu að stöðva í vatni.
- Gættu að öldum frá öðrum bílum sem geta aukið vatnshæð.
- Forðastu akstur í saltvatni til að minnka hættu á tæringu.
- Eftir að ekið hefur verið í gegnum vatn skal stíga létt á bremsufetil til að athuga hvort full bremsuvirkni sé til staðar. Vatn og leðja sest á bremsubúnað sem getur valdið takmarkaðri bremsuvirkni en bremsubúnaðurinn hreinsar sig við hemlun..
Ef þú hefur áhyggjur af öryggi í slíkum aðstæðum, mæli ég með að hafa samband við okkur til að fá frekari upplýsingar eða ráðleggingar. Við getum sett þig í samband við sérfræðinga okkar sem geta veitt þér nánari upplýsingar um akstur í erfiðum veðurskilyrðum.
Hvar bóka ég tíma á verkstæðum Brimborgar, MAX1 og Vélalands?
- Smelltu á hnappinn til að bóka tíma á verkstæðum Brimborgar fyrir Ford, Volvo, Polestar, Mazda, Citroën, Peugeot og Opel. Leigutakar bíla í langtímaleigu hjá Brimborg bóka tíma á sama hátt.
Hvernig næ ég sambandi við verkstæði Brimborgar af öðrum ástæðum en bóka tíma?
- Smelltu til að hafa samband af öðrum ástæðum en að bóka tíma við verkstæði Brimborgar fyrir Ford, Volvo, Polestar, Mazda, Citroën, Peugeot og Opel.
Fór verkstæðisbókunin mín í gegn á netinu?
Þegar þú bókar á netinu færðu staðfestingu á skjáinn: "BÓKUN MÓTTEKIN". Ef við getum ekki tekið við þér á þeirri tíma sem þú baðst um, færðu sms tilkynningu.
Ég á tíma á verkstæði, hvert á ég að koma með bílinn minn?
- Volvo er á Bíldshöfða 6, inngangur snýr að Ártúnsbrekku.
- Ford er á Bíldshöfða 6, inngangur snýr að Bíldshöfða (gul hurð).
- Mazda er á Bíldshöfða 8, inngangur á efra plani, snýr að Bíldshöfða.
- Citroën er á Bíldshöfða 8, inngangur á efra plani, snýr að Bíldshöfða.
- Peugeot er á Bíldshöfða 8, inngangur á efra plani, snýr að Bíldshöfða.
- Opel er á Bíldshöfða 8, inngangur á efra plani, snýr að Bíldshöfða.
- Polestar er á Bíldshöfða 6, inngangur snýr að Ártúnsbrekku.
- Bílar í langtímaleigu fara á verkstæði viðeigandi bílamerkis.
Ég á tíma á verkstæði og vil koma með hann utan opnunartíma, hvar set ég lyklana?
Verkstæði Ford, Volvo og Polestar á Bíldshöfða 6: Lyklabox vinstra megin við aðalinngang (gul hurð)
- Vinsamlega athugið að nota umslag sem er við lyklaboxið, lesa vel yfir leiðbeiningar og skrifa hvar bifreið er lagt.
Verkstæði Mazda, Citroën, Peugeot og Opel á Bíldshöfða 8: Lúga á hurð vinstra megin við hringhurð.
- Vinsamlega athugið að nota umslag sem er við lyklaboxið, lesa vel yfir leiðbeiningar og skrifa hvar bifreið er lagt.
- MAX1 Bíldhöfða 5a: Lúga á hurð (aðalinngangur)
- MAX1 og Vélaland Jafnaseli 6: Lúga á hurð (aðalinngangur)
- MAX1 og Vélaland Dalshrauni 5: Lúga á hurð (aðalinngangur)
- MAX1 Flugvellir 22, Reykjanesbæ: Lúga á verkstæðishurð
Hvar fær ég upplýsingar um nýja bíla?
- Smelltu á hnappinn til að skoða nýja bíla til sölu eða til langtímaleigu í Vefsýningarsal. Með því að smella á hnappinn finnur þú nýja bíla til sölu eða til langtímaleigu af öllum bíltegundum Brimborgar, getur pantað reynsluakstur, óskað eftir tilboði eða sent fyrirspurn.
Get ég keypt gjafavöru hjá Brimborg merkta vörumerki bílsins míns?
Já, Brimborg býður gott úrval af gjafavöru merkt vörumerki þeirra sjö bílamerkja sem Brimborg er umboðsaðili fyrir. Í boði eru meðal annars bollar, glös, hitabrúsar, bolir, úlpur, jakkar, lyklakippur, derhúfur, húfur, leikfangabílar og jafnvel rafstýrðir bílar fyrir börn.
Hvar fæ ég upplýsingar um notaða bíla?
- Smelltu á hnappinn til að skoða notaða bíla til sölu í Vefsýningarsal. Með því að smella á hnappinn finnur þú notaða bíla til sölu af öllum bíltegundum, getur pantað reynsluakstur, óskað eftir tilboði eða sent fyrirspurn.
Hvaða skilríkja er þörf á við kaup á bílum?
- Aðgengi að rafrænum skilríkjum er nauðsynlegt til að ganga frá kaupum og einnig er mikilvægt að hafa gilt ökuskírteini til að geta reynsluekið bílnum sem kaupa á. Fyrirkomulag á greiðslu við bílakaupin og nauðsyn á áreiðanleikakönnun við bílakaup vegna laga um varnir gegn peningaþvætti og fjármögnun hryðjuverka má lesa um með því að smella á hnappinn.
GREIÐSLUR OG LÖGBUNDIN ÁREIÐANLEIKAKÖNNUN VIÐ BÍLAKAUP
Hvenær er opið hjá Brimborg?
- Hér í hlekknum má finna allt um staðsetningar og opnunartíma hjá Brimborg
Get ég fengið batterí (rafhlöður) í bíllykla hjá Brimborg?
Allar upplýsingar um batterí (rafhlöður) í bíllykla færðu með því að smella á hnappinn.
Hvernig finn ég neyðarsíma eða neyðarþjónustu Brimborgar?
Upplýsingar um neyðarþjónustu fyrir öll bílamerki Brimborgar færðu með því að smella á hnappinn.
Hvernig finn ég verkstæði eða þjónustuaðila Brimborgar úti á landi?
Með því að smella á hnappinn færðu upplýsingar um þjónustuaðila um allt land fyrir öll bílamerki Brimborgar, staðsetningu og upplýsingar til að ná sambandi.
ÞJÓNUSTUAÐILAR Á LANDSBYGGÐINNI
Hvernig er ábyrgð háttað á bíll sem keyptur var af Brimborg?
Upplýsingar um ábyrgð bíla, nýrra og notaðra, frá Brimborg eftir kaup má finna með því að smella á hnappinn.
Get ég fengið tækniaðstoð í gegnum síma?
Hægt er að óska eftir tækniaðstoð verkstæða í gegnum síma eða rafrænt. Þjónustan er veitt gegn gjaldi. Til að óska eftir þjónustunni er smellt á hnappinn og erindi sent inn rafrænt og tæknimaður hefur samband í kjölfarið.
Bíllinn minn lenti í árekstri. Hvar get ég látið gera við hann?
Smelltu til að finna verkstæði sem Brimborg viðurkennir til að sjá um bílaréttingar og bílamálun fyrir bíla frá Brimborg.
Ég vil kvarta eða senda ábendingu. Hvernig geri ég það?
Það er alltaf skemmtilegt að fá hrós en ef okkur hefur orðið á í messunni og þú vilt senda inn kvörtun eða ábendingu þá tökum við því alvarlega, setjum erindið í skráð ferli sem fer til viðeigandi ábyrgðaraðila og við svörum eins hratt og kostur er. Smelltu á viðeigandi hnapp.
KVÖRTUN VEGNA ÁBYRGÐAR BÍLA EFTIR KAUP
HRÓS, ÁBENDING, KVÖRTUN | ANNAÐ
Hvernig næ ég sambandi við bókhaldsdeild, markaðsdeild, mannauðsdeild eða þjónustuborð?
Fyrir spurningar um reikninga, reikningsviðskipti og annað tengt bókhaldsdeild eða spurningar tengdar markaðsdeild eða mannauðsdeild eða náð sambandi við þjónustuborð getur þú smellt á hnappinn.
Hafa samband
Hvað er símanúmerið hjá Volvo atvinnutækjum (Veltir)?
Símanúmerið hjá atvinnutækjadeild Brimborgar | Veltir er 5109100
Upplýsingar um Velti má finna á veltir.is
Má breyta bílum eða sérsmíða bíla?
Bílar eru skráningarskyld ökutæki og þurfa að uppfylla tiltekin lög og tilteknar reglur til að fá heimild til að aka í umferðinni. Breytingar sem hafa áhrif á það hvort ökutækin uppfylli þessar kröfur geta gert það að verkum að þau séu ekki talin hæf til notkunar í umferð. Þar getur umfang breytinganna haft áhrif og mögulega þarf að færa ökutækið til aðalskoðunar eða í breytingaskoðun hjá viðurkenndri skoðunarstofu og breyta skráningu. Algengar breytingaskráningar sem skráðar eru í breyhtingastkoðun á skoðunarstöð eru t.d. dæmi
- Skráning á tengibúnaði
- Torfærubreytingar
- Breyting á fólksbifreið í sendibifreið og öfugt
- Afhending á VSK-merkjum
- Breyting á notkunarflokki í og úr
- leigubifreið
- ökukennslu
- húsbifreið
- Ökutækjaleigubifreið (bílaleigubíl)
Nánari upplýsingar má finna á vef Samgöngustofu.
Ef ökutæki á að nota á utan umferðar t.d. á keppnissvæðum er reglurnar rýmri en mikilvægt að ráðfæra sig við fagmenn og bílaíþróttafélög fyrir nánari upplýsingar.
Þessar upplýsingar gilda almennt um öll ökutæki á Íslandi þar á meðal bifreiðar. Ef þú ert að spá í eða ert að vinna að breytingum á bílum sem fluttir eru inn af Brimborg t.d. Volvo, Ford, Polestar, Mazda, Citroën, Peugeot eða Opel hafðu þá samband og við reyndum að svara eftir bestu getu.
Hafa samband