Rafbílar nú hagkvæmustu fyrirtækjabílarnir

Veldu Peugeot rafbíl fyrir fyrirtækið þitt og starfsfólkið!

Nú hafa stjórnvöld leiðrétt misvægi í hlunnindamati rafbíla vegna starfsfólks sem nýtur bifreiðahlunninda. Nú er rafbíllinn hagstæðasti kosturinn, bæði fyrir starfsfólkið í formi lægri tekjuskatts af hlunnindum og fyrirtækið hvað varðar beinan rekstrarkostnað bílsins.

Styrkur frá Orkusjóði lækkar stofn til hlunnindamats og þar sem hlunnindamatsprósentan lækkar þá lækkar tekjuskattur starfsfólks af hlunnindum. Fyrirtækið nýtur auk þess ávinnings af mun lægri rekstrarkostnaði rafbíls, lægra kolefnisspori og jákvæðri ímynd.

Við hjá Peugeot viljum kynna þér ávinninginn fyrir fyrirtækið þitt og starfsfólkið.

Ávinningur fyrir fyrirtæki

• Beinn rekstrarkostnaður rafbíls getur verið um 60-70% lægri en sambærilegs eldsneytisbíls þrátt fyrir kílómetragjald að teknu tilliti til orkukostnaðar og viðhaldskostnaðar. Rafbílar eru nýtnari á orkuna, raforkan er ódýrari en jarðefnaeldsneyti og þjónustuheimsóknir rafbíla eru færri auk þess sem olíuskipti eru óþörf.
• Rafbílar hafa lækkað í verði undanfarin misseri og á árinu 2024 býðst að auki 900.000 kr. rafbílastyrkur frá Orkusjóði við kaup á rafbíl. Það lækkar kaupverðið enn frekar og getur leitt til þess að kaup á rafbíl eru hagstæðari en kaup á sambærilegum eldsneytisbíl.
• Umstang við rekstur rafbíls í flota fyrirtækis er minna vegna færri þjónustuheimsókna og að ekki þarf að halda utan um eldsneytiskort og reikninga vegna þeirra.
• Rafbíll lækkar kolefnisspor fyrirtækisins þar sem engu jarðefnaeldsneyti er brennt og raforkan er 100% endurnýjanleg og kolefnisfrí og styður þannig við loftslagsmarkið fyrirtækisins og Íslands.
• Rafbílafloti styrkir jákvæða ímynd fyrirtækisins og lækkar kolefnisspor í virðiskeðjunni sem er jákvætt gagnvart birgjum og viðskiptavinum.

Hagræði fyrir starfsfólkið

• Fyrir starfsfólk sem nýtur bifreiðahlunninda er rafbíll einnig mjög hagstæður kostur. Nýtt hlunnindamat rafbíla er 20%, á meðan jarðefnaeldsneytisbílar eru áfram í 28%. Þetta þýðir að starfsfólk sem hefur rafbíl til umráða borgar mun lægri tekjuskatt en ef það ekur um á eldsneytisbíl. Ef starfsfólk tekur á sig rekstrarkostnaðinn skv. skilgreiningu Skattsins og sér um að hlaða heima og þrif þá lækkar hlunnindamatið í 17%. Þannig lækkar hlunnindamatið enn frekar, tekjuskatturinn lækkar og ráðstöfunartekjurnar hækka.
• Með því að nýta styrkinn frá Orkusjóði fyrir næstu áramót við kaup á rafbílnum lækkar fyrirtækið ekki aðeins kaupverðið heldur lækkar skattstofn starfsfólks til hlunnindamats.
• Ef rafbíllinn er keyptur á þessu ár þá afskrifast skattstofn til hlunnindamats um 10% um áramótin fyrir rekstrarárið 2025 og lækkar því stofn til hlunnindamats það ár um samsvarandi hlutfall.
• Rafbílar eru þægilegri í allri umgengni, hægt að hlaða heima, aldrei þarf að fara á bensínstöð og bíllinn alltaf heitur þegar lagt er af stað á morgnana.

Dæmi um sparnað: Peugeot E-3008 rafbíll vs Peugeot 3008 bensín hybrid

• Lítum á raunverulegt dæmi. Árlegt hlunnindamat miðað við 17% regluna fyrir Peugeot E-3008 rafbílinn með allt að 525 km drægni er 1.239.300 kr., miðað við kaupverð bílsins (7.290.000 kr. með rafbílastyrk). Til samanburðar er árlegt hlunnindamat fyrir Peugeot 3008 bensín hybrid miðað við kaupverð bílsins (6.890.000 kr.) og 28% hlunnindamat, 1.929.200 kr. Það þýðir að starfsfólk sparar allt að 319.284 kr. í tekjuskatt á hverju ári með því að velja rafbílinn miðað við skatthlutfallið 46,28%.

Ávinningurinn er skýr – Tíminn til að skipta yfir í rafbíl er núna!

Með því að velja rafbíl sparar fyrirtækið rekstrarkostnað, sýnir samfélagslega ábyrgð og eykur jákvæða ímynd fyrirtækisins.

Rafbílar eru augljóslega hagkvæmasti valkosturinn fyrir framtíðina – bæði fyrir fyrirtæki og starfsfólk! Sparaðu og settu reksturinn í takt við framtíðina!

Skoðaðu úrval Peugeot rafmagnsfólksbíla í Vefsýningarsal

Skoðaðu úrval Peugeot rafsendibíla í Vefsýningarsal

Það hefur aldrei verið öruggara að eiga rafbíl
Brimborg er í hópi stærstu innflytjenda rafbíla á Íslandi undanfarin ár. Með auknu úrvali rafbíla, meiri drægni, auknum hleðsluhraða, ódýrari heimahleðslu, þéttara hraðhleðsluneti, lengri ábyrgð, lægri rekstrarkostnaði, minni mengun, framúrskarandi endursölu og meiri þægindum hefur aldrei verið öruggara að eiga rafbíl.

Fáðu nánari upplýsingar um hvernig rafbílar eru hagkvæmasti kosturinn fyrir fyrirtæki og starfsfólk, aðstoð við að velja Peugeot rafbíl, uppítöku á eldri bíl og upplýsingar um hleðslulausnir frá Íslenskri Bílorku hjá söluráðgjöfum Peugeot í sýningarsal Peugeot við Bíldshöfða 8 í Reykjavík eða við Tryggvabraut 5 á Akureyri.