Polestar 1
Nú er tækifæri að tryggja sér einn af fáum Polestar 1 bílum sem framleiddir hafa verið.
Polestar 1 er tengiltvinnbíll með afburða aksturseiginleika og marg verðlaunaður GT Coupe bíll. Polestar 1 var afhjúpaður í október 2017 sem kynningarbíll fyrir Polestar bílamerkið, fór í framleiðslu í Polestar bílaverksmiðjunni í Chengdu, Kína, árið 2019 og var einungis framleiddur í 1.500 eintökum og er því góð fjárfesting sem safngripur. Bíllinn er ekki aðeins fallegur heldur er hann einstaklega öflugur og skemmtilegur í akstri.
Polestar 1 er með mjög háþróaða og tæknilega nýstárlega aflrás, ásamt notkun samsettra efna og leiðandi vélrænna íhluta. Tvinnaflrásin er með tvo rafmótora á afturöxlinum – einn fyrir hvert hjól – tengdur bensínvél að framan sem er með túrbínu og forþjöppu. Þriðji rafmótorinn er samþættur á milli sveifaráss og gírkassa fyrir aukið rafmagnstog á framhjólin. Samanlagt afl er 609 hö og 1.000 Nm tog. Með tveimur drifrafhlöðum sem samanlagt eru 34 kWst, er Polestar 1 með rafmagns drægni upp á 124 km (WLTP) – sem enn er lengsta rafmagnsdrægi allra tengiltvinnbíla í heiminum.
Yfirbygging Polestar 1 er úr koltrefjastyrktri fjölliðu (CFRP) sem lækkar þyngd ökutækisins og þyngdarpunkt þess. CFRP yfirbyggingin gerði hönnuðum bílsins einnig kleift að búa til sannarlega tilfinningarík stílmerki sem ekki er hægt að forma í hefðbundna málmhluti. Undir yfirbyggingunni er „drekafluga“ úr koltrefjum á milli framsæta og aftursæta, sem styrkir enn frekar undirvagn bílsins.
Aksturshreyfingar eru lykillinn að upplifun Polestar og verkfræðingar Polestar eyddu árum í að þróa „Polestar tilfinninguna“ með Polestar 1. Hluti af þessu hefur verið samþróun leiðandi vélrænna íhluta – eins og handstillanlegu Öhlins Dual Flow Valve dempara og 6 stimpla Akebono bremsur.
Staðsetning rafmótoranna tveggja að aftan, hvor með plánetubúnaði, gerði verkfræðingum kleift að þróa raunverulega torque vectoring kerfi sem gefur honum óviðjafnanlegt grip í beygjum og einstakan stöðugleika. Áhrifin eru sérstaklega áberandi í beygjum - frekar en að hægja á innra hjólinu, er ytra hjólið hraðað til að hjálpa bílnum að taka skarpari beygju. Torque vectoring gerir ökumanni einnig kleift að beita aflinu fyrr en við má búast þegar farið er út úr beygju, sem leiðir af sér virkilega spennandi upplifun.
Með Pure, Hybrid og Power akstursstillingum er hægt að aka Polestar 1 á mismunandi vegu eftir notkunartilvikum og óskum ökumanns. Í Pure-stillingu er slökkt á brunavélinni og Polestar 1 virkar sem rafknúið farartæki. Heildarafl og tog frá tveimur rafmótorum að aftan er 170 kW og 480 Nm. Í Hybrid-stillingu nýtir Polestar 1 rafmótora og bensínvél í samræmi við fyrirmæli ökumanns og skiptir óaðfinnanlega á milli þeirra tveggja eftir þörfum.
Í Power-stillingu eru rafmótorar og brunavél notuð samtímis, sem gerir ökumanni kleift að nýta sér heil 609 hestöfl og 1.000 Nm, ásamt skarpari svörun frá inngjöf, stýri og gírkassa.
Hámarkshraði er takmarkaður við 250 km/klst og 0-100 km/klst spretturinn tekur 4,2 sekúndur.
Bíllinn er einstaklega vel búinn og má það nefna Carbon Fibre body að hluta, Bower & Wilkins hljómkerfi, Osmium Matt grey útlit, Gloss black 22” felgur, Brembo bremsur, Nappa leður og svo mætti lengi telja.
Komdu og kíktu á gripinn, þú átt eftir að sannfærast um að þetta er bíllinn fyrir þig.