Nýr Peugeot E-3008 rafbíll frumsýndur í Brimborg
Brimborg frumsýnir glænýjan Peugeot E-3008 rafbíl með framúrskarandi drægni, góðum hleðsluhraða, nýju stórfenglegu Panoramic i-Cockpit innra rými, ríkulegum útbúnaði, snjallhleðslu og víðtækri 7 ára ábyrgð á bílnum og 8 ára ábyrgð á drifrafhlöðu. Frumsýningin verður í sýningarsal Peugeot við Bíldshöfða 8 í Reykjavík dagana 13.-27. júní.
Sýningar- og reynsluakstursbílar verða á staðnum og ráðgjöf varðandi hleðslu rafbíla, uppsetningu hleðslustöðva og sérkjör í hraðhleðslu. Það hefur aldreið verið öruggara að eiga rafbíl og á þessu ári mun Peugeot gera það enn auðveldara með breiðustu rafbílalínunni á Íslandi.
Í tilefni sýningarinnar er opið til kl. 18, þriðjudaginn 18. júní og er eigendum Peugeot rafbíla jafnframt boðið að hlaða frítt í hraðhleðsluneti Brimborg Bílorku dagana 18.-21. júní.
VERÐLAUNABÍLL Á FRÁBÆRU KYNNINGARVERÐI
Peugeot hefur gjörbylt hönnun á nýjum E-3008 í takt við ný hönnunarmarkmið Peugeot þar sem heillandi og frumleg hönnun eru höfð að leiðarljósi. Auk glæsilegrar hönnunar er akstursgleði og einstök afköst höfð að leiðarljósi sem skilar sér í meiri ávinningi fyrir væntanlega eigendur. Red Dot er ein stærsta hönnunarsamkeppni heims og hafa verðlaunin verið veitt frá árinu 1955. Peugeot E-3008 hlaut verðlaunin að þessu sinni fyrir framúrskarandi hönnun og er þetta er í níunda sinn sem Peugeot hlýtur þessi eftirsóttu verðlaun.
Nýr Peugeot E-3008 fær 900.000 kr. rafbílastyrk frá Orkusjóði og býðst á frábæru kynningarverði eða frá aðeins 7.090.000 með rafbílastyrk.
Skoðaðu Peugeot E-3008 í Vefsýningarsal
LANGDRÆGUR MEÐ ALLT AÐ 525 KM DRÆGNI
Peugeot E-3008 er kraftmikill, 210 hestafla rafbíll, með 73 kWh drifrafhlöðu og varmadælu sem endurnýtir orku fyrir miðstöðina og því er drægni bílsins skv. WLTP mælingu framúrskarandi eða allt að 525 km.
SNJÖLL OG ÖFLUG HLEÐSLA
Peugeot E-3008 er með 73 kWh drifrafhlöðu og þriggja fasa innbyggð hleðslustýring er staðalbúnaður en bíllinn styður einnig einfasa þar sem því er eingöngu til að dreifa. Því er auðvelt að hlaða heima eða í vinnu þegar bíllinn er ekki í notkun. Auðvelt er að skjóta inn á rafhlöðuna í hraðhleðslu (DC) ef þörf er á aukaorku. Í hraðhleðslu leyfir hleðslustýringin allt að 160 kW hraðhleðslu sem nýtist til hleðslu frá 20%- 80% af hámarksgetu drifrafhlöðunnar og tekur það um 35 mínútur. Það þýðir um 100 km viðbótardrægni á 15 mínútum svo dæmi sé tekið. Peugeot E-3008 styður V1G (smart charging) snjallhleðslumöguleika sem gerir notanda kleift að stilla tíma og afl við hleðslu á rafhlöðu til að tryggja lægsta mögulega heimataxta við hleðslu. Orkufyrirtæki hér á landi eru þegar byrjuð að feta þá braut að bjóða ódýrara rafmagn á nóttinni.
HÁGÆÐA AKSTURSUPPLIFUN OG ÖRYGGI
Peugeot E-3008 er fyrsti bíllinn sem Peugeot framleiðir á glænýjum STLA undirvagni, sem setur ný viðmið í rafbílatækni og gerir vörumerkið að leiðandi rafbílamerki í Evrópu. Þessi nýstárlegi rafbílaundirvagn hefur verið hannaður til að bjóða upp á hágæða akstursupplifun, framúrskarandi drægni, öflug hraðhleðsluafköst, skilvirkni, stafrænar þjónustur og snjallhleðslumöguleika. Peugeot E-3008 rafbíll er með þráðlausar uppfærslur yfir netið (OTA) fyrir reglulegar uppfærslur á hugbúnaði bílsins svo að bíllinn sé alltaf með nýjasta hugbúnaði sem völ er á. Nýr Peugeot E-3008 rafbíll er með ríkulegan öryggisbúnað og má þar helst nefna sjálfvirka neyðarhemlun með myndavél og radar, veglínustýringu, bakkmyndavél, nálægðarskynjurum, fjarlægðarstillanlegum hraðastilli með Stop & Go virkni, akreinaraðstoð og skynjara á hraðatakmörkunum.
NÝ KYNSLÓÐ AF PANORAMIC I-COCKPIT INNRA RÝMI
Glænýr Peugeot E-3008 er með stórfenglegri, nýrri kynslóð af Panoramic i-Cockpit innréttingu sem hefur verið sérhönnuð til að veita einstaka akstursupplifun. Innra rýmið er fullkomið þar sem notagildi og þægindi fyrir ökumann er haft að leiðarljósi þar sem öll stjórntæki, mælar og skjáir eru í sjónlínu ökumanns. Ný kynslóð af Panoramic i-Cockpit inniheldur fullkomin víðmyndarskjá sem er ýmist tveir 10“ HD margmiðlunarskjáir í Allure útfærslu eða 21“ HD margmiðlunar- og víðmyndarskjár með LED stemmingslýsingu sem skapar skemmtilega stemmningu við aksturinn í GT útfærslu. Í skjánum eru allar helstu stafrænu nýjungar, þráðlausar tengingar fyrir snjallsíma og raddstýring. Peugeot E-3008 GT er með þráðlausri símahleðslu og upphitanlegu stýri. Fyrirferðalítið leðurklætt stýrið hefur alltaf leikið lykilhlutverk í i-Cockpit innréttingunni og hefur enn á ný verið endurhannað til að bjóða upp á enn betri akstursupplifun og þægindi.
SNJALLMIÐSTÖÐ MEÐ FORHITUN TRYGGIR ALLTAF HEITAN BÍL
Peugeot E-3008 er með snjallmiðstöð með tímastillingu á forhitun á innra rými sem tryggir ávallt heitan bíl. Hægt er að tímastilla forhitun alla vikudagana fyrirfram, einfalt og þægilegt. Fjarstýrð virkni gerir kleift að fjarstýra forhitun í MyPeugeot® appinu. Einnig er einfalt að tímasetja, stöðva og virkja hleðslu í MyPeugeot® appinu ásamt því að vera með yfirsýn um bílinn þ.á.m. stöðu á drægni, hleðslustöðu, þjónustuyfirlit og panta tíma á þjónustuverkstæði.
7 ÁRA VÍÐTÆK ÁBYRGÐ Á BÍL OG 8 ÁRA ÁBYRGÐ Á DRIFRAFHLÖÐU
Peugeot er fullviss um gæði, áreiðanleika og endingu rafbíla sinna. Gæði Peugeot bíla eru staðfest með víðtækri 7 ára ábyrgð á bílnum og 8 ára ábyrgð á drifrafhlöðunni. Ábyrgðin er aðeins í boði á bílum keyptum af Brimborg og er háð því að bíllinn fylgi þjónustuferli framleiðanda.
900.000 KR. RAFBÍLASTYRKUR FRÁ ORKUSJÓÐI
Auðvelt er að sækja um rafbílastyrk frá Orkusjóð við kaup á nýjum Peugeot E-3008 að upphæð 900.000 kr. sem gildir á árinu 2024. Verð Peugeot E-3008 er mjög hagstætt og því langt undir skilyrði Orkusjóðs um hámarksverð. Hins vegar er rétt að benda á að stjórnvöld hafa sett þak á heildarupphæð sem varið verður til styrkja og því gætu þeir klárast fyrr. Auðvelt er að nota rafbílastyrkinn sem hluta af útborgun bílsins.
PEUGEOT 3008 HYBRID
Síðar í sumar er einnig von á Peugeot 3008 með hybrid tækni,rafmagn og bensín. Hann er sjálfhlaðanlegur og því þarf ekki að stinga í samband til að hlaða rafhlöðuna heldur hleður hann sig í akstri. Peugeot 3008 hybrid er sparneytinn með allt að 26% minni eyðslu en sambærilegur bensínbíll, ríkulegum útbúnaði og stórfenglegu Panoramic i-cockpit innra rými sen tryggir hágæða akstursupplifun og öryggi. Peugeot 3008 hybrid er nú fáanlegur í forsölu á frábæru kynningarverði eða frá 6.690.000 kr.
BREIÐASTA RAFBÍLALÍNAN Á ÍSLANDI
Peugeot bílaframleiðandinn hefur sett sér metnaðarfullt markmið að verða leiðandi rafbílamerki í Evrópu með breiðustu rafbílalínuna. Næstum 5 ára reynsla er af Peugeot rafbílum á Íslandi. Í lok árs 2024 mun Peugeot bjóða 9 tegundir rafmagnsfólksbíla sem verður þá breiðasta rafbílalínan á Íslandi með E208, E-2008, E-308, E-308 Station, E3008, E-408, E -5008, E-Rifter og E-Traveller. Einnig er í boði úrval rafmagnssendibíla í mörgum stærðarflokkum.
Skoðaðu úrval Peugeot rafbíla í Vefsýningarsal
ÞAÐ HEFUR ALDREI VERIÐ ÖRUGGARA AÐ EIGA RAFBÍL
Brimborg er í hópi stærstu innflytjenda rafbíla á Íslandi undanfarin ár. Með auknu úrvali rafbíla, meiri drægni, auknum hleðsluhraða, ódýrari heimahleðslu, þéttara hraðhleðsluneti, lengri ábyrgð, lægri rekstrarkostnaði, minni mengun, framúrskarandi endursölu og meiri þægindum hefur aldrei verið öruggara að eiga rafbíl.
HÆGT AÐ SKOÐA ÚRVALIÐ AF PEUGEOT E-3008 Í VEFSÝNINGARSAL BRIMBORGAR
Í Vefsýningarsal Brimborgar er að finna Peugeot E-3008 rafbíla sem eru á leiðinni til landsins. Söluráðgjafar Peugeot veita viðskiptavinum ráðgjöf við valið á rétta bílnum, upplýsingar um rafbílastyrki sem eru í boði og aðstoða við val og uppsetningu á hleðslustöð. Þegar draumabíllinn er fundinn er send fyrirspurn beint úr Vefsýningarsalnum sem söluráðgjafi svarar um hæl. Viðskiptavinir geta auðveldlega breytt bílum í pöntun að sínum smekk með aðstoð söluráðgjafa Peugeot. Einnig stendur til boða að fá Peugeot E-3008 í langtímaleigu þar sem nánast allt er innifalið nema rafmagn og rúðuvökvi.
Skoðaðu úrval Peugeot E-3008 í Vefsýningarsal
SÉRKJÖR Á HLEÐSLULAUSNUM OG Í HRAÐHLEÐSLU
Peugeot á Íslandi og Brimborg bjóða viðskiptavinum sínum sérlega hagstæð kjör á hleðslustöðvum og uppsetningu þeirra ásamt sérkjörum í hraðhleðsluneti Brimborgar Bílorku. Söluráðgjafar Peugeot veita allar upplýsingar um sérkjör til viðskiptavina.
NÁNARI UPPLÝSINGAR UM PEUGEOT E-3008 RAFBÍL
Nánari upplýsingar um Peugeot E-3008 má finna á vef Peugeot á Íslandi eða hjá söluráðgjafa Peugeot í sýningarsal Peugeot við Bíldshöfða 8 í Reykjavík eða við Tryggvabraut 5 á Akureyri.
Lestu allt um Peugeot E-3008 rafbíl
Nýr Peugeot E-3008 rafbíll verður frumsýndur dagana 13.-27. júní í sýningarsal Peugeot við Bíldshöfða 8 í Reykjavík. Sýningar- og reynsluakstursbílar verða á staðnum og ráðgjöf varðandi hleðslu rafbíla, uppsetningu hleðslustöðva og sérkjör í hraðhleðslu.
