Ford E-Transit Van 100% rafsendibíll er kominn í sölu hjá Brimborg!
Ford E-Transit Van rafsendibíllinn er sannkallaður draumur þeirra sem vilja vera umhverfisvænni og útrýma eldsneytiskostnaði án þess að fórna afli, öryggi eða burðargetu. Rafsendibíllinn er með öfluga drifrafhlöðu, góða drægni og eykur virði með aukinni framleiðni og umtalsverðu hagræði í rekstri.
E-Transit Van langdrægi rafsendibíllinn er einn sá fremsti í flokki þegar kemur að stærð rafhlöðu, drægni og afli, og hefur einstaka eiginleika eins og ProPower Onboard kerfið sem veitir möguleikann á færanlegu rafmagni fyrir verkfæri og fleira. Ford E-Transit Van er sjálfskiptur, kemur í nokkrum lengdar- og hæðarflokkum og er mjög vel búinn staðalbúnaði.
- Mikill sveigjanleiki í útfærslum
- Allt að 318 km drægni
- Öflug drifrafhlaða með snöggri hraðhleðslu
- Alltaf heitur með forhitara
- Sjálfstæð fjöðrun
Smelltu til að lesa meira um Ford E-Transit Van
Smelltu til að skoða E-Transit Van í vefsýningarsal Brimborgar
Mikill sveigjanleiki í útfærslum á Ford E-Transit Van
Ford E-Transit Van er fáanlegur í tveimur hæðarútfærslum og þremur mismunandi lengdum, auk þess að vera með gríðarlega gott flutningsrými eða allt að 15,1 rúmmetra. Sendibíllinn uppfyllir kröfur langflestra enda hægt að panta hann í allt að 25 útfærslum svo flestir ættu að finna eitthvað við sitt hæfi. Þú getur sett saman E-Transit Van rafsendibíl sem hentar rekstrinum fullkomlega, hvort sem þú þarft meira rými fyrir farþega eða stærra hleðslurými.
Öflug drifrafhlaða með snöggri hraðhleðslu
Ford E-Transit Van keyrir allt að 318 km á 100% rafmagni samkvæmt WLTP-staðli og er með mjög öfluga 68kWh drifrafhlöðu sem sér um alla vinnuna. Drægnin er mismunandi á milli útfærslna en er alla jafna mjög góð fyrir flestan almennan akstur í amstri dagsins. Raundrægni fer eftir mörgum þáttum, svo sem hraða, aksturslagi, akstursskilyrðum, útihitastigi, notkun miðstöðvar og loftkælingu og fjölda farþega og hleðslu í hleðslurými.
Fyrir fólk sem þarf aðeins meira er kosturinn sá að það tekur bara um 34 mínútur að hlaða bílinn frá 15-80% í 115 kW hleðslustöð. Það smellpassar því að hlaða bílinn í hádegismatnum eða kaffipásunni. Í venjulegri 11 kW heimahleðslustöð tekur u.þ.b. 8,2 klukkutíma að fullhlaða bílinn frá 0-100% svo hann sé klár í slaginn á hverjum morgni.
ProPower Onboard tækni
ProPower Onboard tæknin sem er í boði sem aukabúnaður minnkar þörfina fyrir rafstöðvar til að knýja rafmagnsverkfæri og önnur tæki við dagleg störf. Með kerfinu hafa notendur Ford E-Transit Van aðgang að allt að 2.3 kW kerfi í ökumanns- eða hleðslurýminu sem kemur sér auðvitað einstaklega vel á ferð og flugi þegar stinga þarf bornum, söginni eða fartölvunni í samband.
Umhverfisvænni og útblásturslaus rekstur
Fyrirtæki sem skipta yfir í rafsendibíla eru að taka stórt skref í umhverfisvænni rekstri og Ford E-Transit Van gerir umbreytinguna auðvelda og sjálfsagða. Sendibíllinn er með þrjár akstursstillingar og hver og ein þeirra hámarkar afköst bílsins miðað við aðstæður hverju sinni. Normal-stillingin er fyrir allan almennan daglegan akstur. Slippery-stillingin bætir veggripið í bleytu eða frosti og Eco-stillingin hjálpar ökumanninum að ná sem mestri drægni á hleðslunni.
Hröðum orkuskiptunum! Taktu skrefið núna. Sparaðu pening, verndaðu umhverfið og notaðu íslenska, sjálfbæra orku. Lækkaðu rekstrarkostnað fyrirtækisins og keyrðu um á 100% rafmagni.
Vefsýningarsalur Brimborgar
Skoðaðu E-Ford Transit Van í vefsýningarsal Brimborgar, veldu bílinn sem þér hentar og sendu okkur fyrirspurn.
Veldu traust umboð með einstöku vöru- og þjónustuframboði fyrir bíla- og tækjaflota.