Það eru spennandi tímar framundan hjá Brimborg. Átök síðustu tveggja ára hafa tekið á en Brimborg stendur keik og er viðbúin uppsveiflunni. Við hefjum leikinn á frumsýningu á því nýjasta frá Ford. Nú horfum við fram á veginn og kynnum nýja Ford Kuga og Ford Fiesta á stórfrumsýningu sem hefst laugardaginn 4. september.

Keppnishefð Citroën hefur styrkst gríðarlega hin síðustu ár með geysilegri velgengni franska framleiðandans í rallakstri og kappakstri. Fyrirtækið hefur þegar sent frá sér rallútgáfu af Citroën DS3, nánar tiltekið Citroën DS3 R3, sem verður seldur til viðskiptavina sem vilja gera út sinn eigin rallbíl. Citroën er sigursælasti framleiðandinn í rallakstri síðari ára og því er flestum ljóst að um einstaklega afkastamikinn bíl er að ræða. Nú lætur Citroën hinsvegar hné fylgja kviði og býður því götuútgáfu sem er ætlaður fyrir malbiksakstur eingöngu en væri tilvalin til brautaraksturs um helgar.

Þann 29. júlí birtum við frétt um að tímaritið Volvo Spirit hefði komið til Íslands til að vinna að kynningarefni og greinum fyrir tímaritið um Volvo vinnuvélar sem notaðar hafa verið í framkvæmdum í skugga eldgossins í Eyjafjallajökli.